Category: Uncategorized

Thèid deasbad Riaghaltais a chumail sa Phàrlamaid an-diugh (Dimàirt 15 Samhain) mu Ghàidhlig agus Scots san àm ri teachd. ‘S e seo an gluasad: Chithear an gluasad agus na h-atharrachaidhean a chaidh a mholadh air làrach-lìn na Pàrlamaid. Tòisichidh an deasbad san t-Seòmar aig 2:25f. Faodar coimhead beò (agus às dèidh làimh) air Scottish Parliament … Leugh an corr de Deasbad mun Ghàidhlig is mun Scots san àm ri teachd

Tha ‘lèirsgrios’ ionmhasail a’ bagairt air roinn chultarail na h-Alba. Seo an rabhadh bho Chomataidh Bun-reachd, Roinn Eòrpa, Cùisean Taobh a-muigh agus Cultair Pàrlamaid na h-Alba. Ann an aithisg a chaidh fhoillseachadh an-diugh, tha a’ Chomataidh a’ coimhead air thoiseach gu buidseat 2023-24 Riaghaltas na h-Alba agus a’ bhuaidh a bhios aig co-dhùnaidhean buidseit air … Leugh an corr de Fios naidheachd: ‘Lèirsgrios’ ionmhasail a’ bagairt air roinn chultarail na h-Alba #gàidhlig #cleachdi

Sgrìobh mi post-bloga greiseag air ais mun trèana-caidil – the Caledonian Sleeper – no “an leabaidh-trèana” mar a th’ aig mo nighenean air’! 

Thuirt mi gu bheil mu uamhasach deidheil air an t-seirbheis seo ach nach eil e cho math ’s a bu chòir dhi a bhith agus gun robh an t-àm ann a thoirt a-steach dhan roinn phoblaich mar a thachair le ScotRail. 

Dh’fhoillsich an Riaghaltas bho chionn ghoirid gu bheil cùmhnant Serco gus an Cadalaichte a ruith a’ tighinn gu crìch an ath-bhliadhna. Chanainn gur e deagh naidheachd a tha seo.

Tha mi an dùil is an dòchas gun tachair na rudan a leanas:

• Gun tèid a chur air ais san roinn phoblaich agus gun tèid in-fhilleadh le ScotRail
• Gun tèid na prisean ìsleachadh gus am bi an cadalaiche ag amas air luchd-siubhail àbhaisteach a-rithist agus gum bi e farspaiseach le plèanaichean a-rithist.

Alasdair

Bidh mi a’ dol air safari rèile gach bliadhna eadar an Nollaig agus a’ bhliadhna ùr. Anns an 10 bliadhna mu dheireadh, chaidh mi dhan Chaisteal Nuadh gus am meatro a dhèanamh ann an aon latha, gu Sheffield gus na tramaichean fhaicinn, dhan Dùn gus an aon rathad-iarainn ghlèidhte ann an Èirinn a Tuath fhaicinn agus fiù ’s gu Eilean Wight airson a dhol air na trèanaichean ùra.

Am-bliadhna, bidh mi a’ dol gu Lunnainn. (Agus Southend on Sea cuideachd – ach fàgaidh mi sin airson bloga eile).

Tha rathaidean-iarainn ùra ann an Lunnainn a bu toil leam fhaicinn. Tha an loidhne ghoirid ùr gu Barking Riverside agus nas cudromaiche Crossrail no Loidhne Ealasaid. Tha mi cuideachd airson Rail Mail fhaicinn – an rathad-iarainn fo-thalamh a b’ àbhaist a bhith a’ giùlan post fo shràidean Lunnainn agus a tha air ath-fhosgladh do luchd-turais le cothrom aig luchd-subhail a dhol air an trèana a-nis airson a’ chiad turais riamh!

Tha sin uile glè mhath – ach tha mi cuideachd air dùbhlan a chur romham – sin a bhith a’ dol dhan a h-uile terminus rèile ann an Lunnainn ann an aon latha. Tha sinn uile eòlach air cuid aca – Paddington bhon mhathan, Fenchurch Street, Marylebone, Liverpool  Street agus Kings Cross bho Monopoly, Kings Cross agus St Pancras bho Harry Potter – agus do mhuinntir Ghlaschu, ’s e Euston an stèisean a chleachdas sinn airson a dhol gu Lunnainn.

Sin stèiseanan gu leòr – ach tha barrachd ann. Uile gu lèir, tha 14 ann.

Seo mapa dhiubh (chan eil Mòorgate, an terminus as lugha san dealbh seo – ach tha e faisg air Liverpool Street).

Nis, tha e furasta gu leòr a dhol eadar gach stèisean air an tiùb – ach tha sin ro fhurasta dhomh. Tha mi airson a dhol eadorra uile air trèanaichean na lìonra-nàiseanta a-mhàin. Chan eil e cho furasta sin oir chaidh na diofar stèiseanan mòra a thogail le diofar chompanaidhean a bha a’ co-fharpais an aghaidh a chèile.  

Gabhaidh e dèanamh, ach tha e a’ toirt ùine mhòr agus feumaidh tu tòrr thursan rèile a ghabhail!

Seo na riaghailtean a th’ agam:

1. Trèanaichean na lìonra-nàiseanta a-mhàin
2. Tha e ceart gu leòr coiseachd eadar stèiseanan a tha faisg air a chèile mur eil dòigh phractaigeach ann ri dhol eadar termini ann an dòigh sam bith eile.

Chuir mi seachad trì no ceithir làithean le glainne-mheudachaidh, mapa de rathaidean-iarainn Lunnainn agus pìos pàipeir a’ cnuasachadh air a’ phlana agus mu dheireadh thall, chruthaich mi plana a bha a’ gabhail a-steach gach stèisean. Cha robh e idir furasta, gu h-àraid le Stèiseanan Marylebone agus Paddington (airson a dhol eadar an dà stèisean, saoilidh mi gum biodh agad ri dhol gu Oxford is air ais!)

Seo am plana agam mu dheireadh thall.

Ma tha duine sam bith an sin mìon eòlach air rathaidean-iarainn Lunnainn – no ma nas fheàrr air logistics na tha mi fhèin –  bu fhìor mhath leam do bheachdan a chluinntinn!

1	Charing Cross
2	Waterloo East
3	London Bridge
4	Cannon Street
	London Bridge
5	Blackfriars
6	St Pancras
	West Hampstead Thameslink – Coisich gu::
	West Hampstead
	Willesden Junction
	Wembley Central – Coisich gu:
	Wembley Stadium
7	Marylebone
	Wembley Stadium
	Wembley Central
8	Euston
	Watford Junction
	St Albans Abbey – Coisich gu:
	St Albans City
	St Pancras
	Finsbury Park
9	Kings Cross
	Finsbury Park
10	Moorgate
	Highbury and Islington
	Hackney Central – Coisich gu:
	Hackney Down
11	Liverpool Street
12	Paddington
	Farringdon
	Herne Hill
13	Victoria
	Herne Hill
	Liverpool Street
	Romford
	Upminster
14	Fenchurch Street

Chan eil mi buileach cinnteach an gabh na tursan rèile seo uile a dhèanamh ann an aon latha ge-tà – eil beachd sam bith agaibh?

Alasdair

Coinnichidh Pàrlamaid na h-Alba Diluain 12 Sultain gus beachdachadh air gluasad co-fhaireachdainn às dèidh bàs A Mòrachd A’ Bhanrigh.    Bheir seo cothrom do Bhuill air feadh na Pàrlamaid cnuasachadh air beatha seirbheis phoblaich A Mòrachd agus air an dlùth cheangal maireannach aice ri Alba.   Air an latha, cuiridh an t-Oifigear Riaghlaidh, Alison Johnstone BPA fàilte … Leugh an corr de Pàrlamaid na h-Alba gus beachdachadh air gluasad co-fhaireachdainn airson A Mòrachd a’ Bhanrigh