Blog Chrìstein MhicMhìcheil

  • An Dearbhair Beag ann am MacOS
    by Crìstean MacMhìcheil on Dih, 8 Cèit 2020 at 12:00m

    Tha an Dearbhair Beag ’na dhearbhair-litreachaidh a tha stèidhichte air stòr-dàta nam faclan a tha san Fhaclair Bheag agus is esan an dearbhair as motha a tha ri fhaighinn aig an àm seo. Tha e air a fhilleadh ann an tionndaidhean Gàidhlig de na prògraman LibreOffice, OpenOffice agus Firefox o thùs. Is e adhbhar am post seo ge-tà sealltainn dhut mar a ghabhas a chleachdadh le taghadh nas fharsainge de phrògraman ann am MacOS.

  • Obair-taighe
    by Crìstean MacMhìcheil on DiD, 17 Samh 2019 at 12:30f

    Tha mi duilich gu bheil Geidh.uk air a bhith sàmhach o chionn ghoirid ach tha mi air a bhith trang leis m’ obair làitheil. Nuair a tha ùine shaor air a bhith agam tha mi air a bhith ag obair air còd Geidh.uk a sgioblachadh agus a dhèanamh nas èifeachdaiche.

  • A’ gluasad bho Wordpress gu Jekyll
    by Crìstean MacMhìcheil on DiD, 17 Gearr 2019 at 6:00f

    O chionn 2008 tha Geidh.uk air a bhith na bhlog Wordpress (a’ ruith grunn plugain treas-phàrtaidh) a tha mi air a bhith ag òstaireachd agus a’ cumail suas leam fhèin. Dh’obraich e math gu leòr airson greis, ach tha mi air a bhith a’ fàs sgìth le duilleagan slaodach, mearachdan frithealaiche, amannan far-loidhne agus ùrachaidhean a stàladh fad na h-ùine agus mar sin tha an làrach-lìn a-nis air gluasad bho Wordpress gu Jekyll.

  • Suidheachadh na Gàidhlig mar locale ann an iOS
    by Crìstean MacMhìcheil on DiL, 7 Cèit 2018 at 11:34m

    Coltach ri macOS chan eil cùs Gàidhlig a’ nochdadh ann an iOS.

  • Suidheachadh na Gàidhlig mar locale ann an macOS
    by Crìstean MacMhìcheil on Dia, 3 Cèit 2018 at 2:08f

    Gu mì-fhòrtanach chan eil cus Gàidhlig ann am macOS aig an ìre-sa ach o Mac OS X 10.8 a-mach ’s urrainn dhut Gàidhlig a thaghadh mar locale. Tha seo a’ ciallachadh gum bi prògraman treas-phàrtaidh a leithid Opera, VLC agus LibreOffice (agus prògraman eile a chleachdas gleus a dh’atharraicheas cànan nam prògraman a-rèir an locale) a’ nochdadh anns a’ Ghàidhlig ged nach bi na prògraman a thàinig le Apple fhèin.

  • Stràcan ann am Mac OS X 10.7 Lion
    by Crìstean MacMhìcheil on DiD, 24 Iuch 2011 at 12:43f

    Faodar stràcan a dhèanamh air Mac OS X le bhith a’ cliogadh ⌥+**+**LITIR**, mar eisimpleir **⌥**+**+a = à. Ach ann am Mac OS X 10.7 Lion faodar stràcan a dhèanamh le bhith a’ cumail sìos an litir a tha a dhith. Mar eisimpleir chum sìos a agus gheibh sibh popup de stràcan a tha a’ buntainn ris an litir a, dìreach mar a gheibheadh sibh air fòn-làimhe.