Tog Blog

Fhuair mi camara ùr an diugh ’s thog mi an dealbh seo nuair a bha mi a’ tighinn dhachaigh uair no dhà air ais. Bha an t-uisge ann aig an àm ’s mar sin chan eil an dealbh uabhasach math, ach tha fhios agam a-nis gu bheil an camara ag obrachadh…

San dealbh is urrainn dhuibh am B of the Bang fhaicinn. ‘S e deilbheadh mór a th’ann a tha na sheasamh aig an lann-cluiche far am bi Manchester City a’ cluich ball-coise. An toigh leibh e? Nam bheachdsa tha e gu math inntinneach agus is toigh leam e.

Uill, thoisich me seo air sgath ’s gun robh agam ri blog a chruthachadh gus am b’urrainn dhomh facal fhagail air blog chuideigin eile. Agus a-nis… tha blog agam. ‘S docha gun cuir mi stuth air. Rudeigin eile ann gus uine a chaitheamh…

Chan eil fhios agam carson a tha mi a’ sgriobhadh anns a’ Ghaidhlig, ach shaoil leam gum bheil cus bhlogaichean ’san t-saoghail ann am Beurla mar tha, agus tha fios nach eil blogaichean Gaidhlig gu leor ann. Mar sin dheth, ’se Gaidhlig a th’agam an seo. Cuideachd, cha chordadh e rium nan robh daoine eile nach b’aithne dhomh a’ leughadh mo bhlog. ‘San t-seadh seo, faodaidh mi a bhith cinnteach nach bi moran dhaoine ’ga leughadh. (Ach mura bheil mi airson gun leugh daoine e, carson a dheanainn blog ’sa chiad dol a-mach?? Deagh cheist!).

Nach math gu bheil muinntir Mhontenegro air bhòtadh airson dealachadh ri Seirbia. Saoil am bi de spionnadh anns na h-Albannaich na bhòtas airson neo-eiseimleachd ann an 2007? Droch theansa!

Chan eil fada bhon a chunnacas am film “Der Untergang” mu na laithean mu dheireadh aig Hitler. Tha Traudl Junge na sar eisimpleir air te a bha dall gus an deach i tro dhi-Nasachas agus gus am faca i clar-cuimhneachain do Shophie Scholl a rugadh air an aon bhliadhna rithe fhein. Chan ionnan linn Hitler agus linn Bhlair am Breatainn, ach tha samhlaidhean ann. Can an-drasta, nam biomaid a’ suidheachadh an fhilm ann am Breatainn an latha an-diugh, cha bhiodh na leanas fada cearr.
Adolf Hitler: Tony Blair
Eva Braun: Cherie Blair
Magda Goebbels: Hazel Blears
Albert Speer: Charles Clark
Heinrich Himmler: John Reid
Baldur von Schirach: David Milliband/Cameron

agus mar sin air aghaidh.

Chan eil na Labaraich Ura faisg a mhile air na Nasaich a thaobh an uilc ’s na h-ainghidheachd, ach tha iad air an aon chleas a dheanamh – partaidh a bha onaireach a ghoid airson an agenda aca fhein adhartachadh.

Gum mealadh na Labaraich Ura an naidheachd – tha iad air feallsanachd Margaret Thatcher agus Ronald Reagan a chumail a’ dol, agus an latha aca fada fada seachad.

‘S i a’ cheist, an robh na Labaraich mar a bha iad, mus do nochd Blair, cho falamh ’s brisg ’s nach robh dad annta a b’ fhiach a ghleidheil? Bha iomadach creutair durachdach a’ cumail taic ris na Labaraich tro na droch bhliadhnachan, ach de fhuair iad ach:

David Miliband
Ed Miliband
John Reid (manaidsear a’ bhanca, ’s e ri searmonachadh… a-rithist)
Alasdair Moireasdan (yes, sir!)
Hazel Blears
Tessa Jowell
Gordon Brown (bheil e fhathast ann?)
Harriet Harman

Tha an liosta ro fhada.

Oidhche mhath leibh – chan fhaigh sibh cadal samh agus Thatcherachd fhathast beo fallain.

Seo dha dhe na h-orain as fhearr leam fhin ged nach cordadh iad ris an t-seann fheadhainn as abhaist a bhith ag iathadh mun Mhod.

Nan ceadaicheadh an tide dhomh
Na-na-na-na-na-nan ciodaidh-cadaidh-ceadaicheadh an tide dhomh
‘S gun innsinn e do chach
Mior-a-mear-a-mar a mheall an saoghal mi
Le fini-faoineasan gun sta…

Siud mar chaidh an cal a dholaidh
Seo mar chaidh an cal a dholaidh
Siud mar chaidh an cal a dholaidh
Aig na bodaich a bha jolly
Siud mar chaidh an cal a dholaidh
Aig na bodaich Ghallda…

‘S fhearr leamsa a’ chiad oran air a ghabhail le Bonny Tyler air a’ chlar fhada aice “Siursach thursach” ach chan eil duine beo no marbh a b’ fhearr a ghabhadh an dara fear na Bobby Crush air a’ phiana bhinn aige.

De ur barail fhein?

An toigh leibh ball-coise? Chan eil mi cho déidheil air — ’s fheàrr leam criogaid — ach tha Cupa na Cruinne air fàire ’s bidh a h-uile duine a’ bruidhinn air a dh’aithghearr.

Co-dhiù, fhuair mi post-d bho charaid an diugh. Thuirt e “Tha fhios a’m nach toigh leat ball-coise, ach ’s toigh leat StickCricket, mar sin, ’s dòcha gum bidh seo a’ còrdadh riut cuideachd”. Uill, chluich mi geama no dà fhichead agus chan eil e dona idir 🙂 Ach dhomhsa, tha e gu math doirbh — chan eil mi air barrachd air fichead puing ’s a h-ochd a chur ri chéile fhathast. Feuchaidh mi a-rithist nas anmoiche…

Nach neonach claisneachd mac an duine? An la roimhe bha mi air mo shlighe dhan bhuth nuair a chunna mi Gertie Mhor bhuam (agus Martainn na cois, mar a bhiodh duil!). Dh’eigh mi null, “De do bheo an-diugh, Gertie?”. Cha robh mi dol a bheannachadh an la air Martainn an deidh mar a thachair leis an fhear og a bha siud. Co-dhiu, siud mise ag eigheach air Gertie. Gun rabhadh sam bith leig i sgreuch aiste, chuir i lamh ri a suilean ’s thoisich i feuchainn ri a falt a spionadh aiste fhein! “Mo chreach a-steach”, arsa mise rium fhin, “De tha dol an seo?”

“A thrusdair ghranda a tha thu ann,” dh’eigh Martainn, mar gun eistinnsa ri cail a chanadh a leithid. Bha Gertie bhochd an siud a’ gal ’s a’ sgreuchail mar oinseach gun chiall, ’s nach do fhliuch i i fhein, bronag.

‘S math gun Martainn ann ann an doigh. Thug e dhith a drathais gun fhiosda agus sheatlaig e sios i mus tug e chasan leis. Chaidh mise far an robh i. “Gertie a ghraidh, gu de fon ghrein a thachair an siud?” Bha a h-anail car mi-chinnteach ’s i dearg san aodann, ach beag air bheag thainig na facail. (Ged nach tainig ciall!)

Nuair a dh’eigh mise “De do bheo an-diugh, Gertie?”, ’s e chuala ise ach “Thoir an aire, Gertie, tha faoileag mhor air do cheann ’s i feuchainn ri do shuilean a sgrobadh asad!”

‘S beag an t-iongnadh gun do ghabh i an t-eagal. Co-dhiu, chaidh sinn sios dhan chafe, ’s ghabh sinn da chopan teatha comhla. Le siucar!

Sin sin…Skye posting has fallen off the Island Blogging radar. What a sad story that…